អភិបាលរដ្ឋ Minnesota លោក Tim Walz បានបញ្ជាឲ្យកងកម្លាំងការពារជាតិធ្វើសកម្មភាព ដើម្បីជួយប៉ូលីសក្នុងតំបន់ បន្ទាប់ពីភ្នាក់ងារល្បាតព្រំដែនសហព័ន្ធម្នាក់បានបាញ់សម្លាប់បុរសអាយុ ៣៧ ឆ្នាំម្នាក់នៅទីក្រុង Minneapolis កាលពីថ្ងៃសៅរ៍ ដែលបណ្តាលឲ្យមានការតវ៉ាធំទូលាយពីសាធារណជន។
ប្រភពពីសារព័ត៌មានAP នៅថ្ងៃទី២៥ខែមករា។
អធិការប៉ូលីស Minneapolis លោក Brian O’Hara បានបញ្ជាក់ថា ជនរងគ្រោះឈ្មោះ Alex Jeffrey Pretti ជាគិលានុបដ្ឋាយិកាថែទាំអ្នកជំងឺនៅរដ្ឋបាលអតីតយុទ្ធជន។ ព័ត៌មានលម្អិតអំពីមូលហេតុនាំទៅដល់ការបាញ់ប្រហារនៅតែមានកម្រិត ខណៈអាជ្ញាធរកំពុងស៊ើបអង្កេត។
បច្ចុប្បន្ន កងកម្លាំងការពារជាតិកំពុងត្រូវបានដាក់ពង្រាយនៅកន្លែងកើតហេតុ និងអគារសហព័ន្ធមួយចំនួន ខណៈការតវ៉ានៅតែបន្ត និងការស៊ើបអង្កេតកំពុងដំណើរការ៕