អតីតប្រធានាធិបតីអាមេរិក លោក Barack Obama និងលោក Bill Clinton បានអំពាវនាវឱ្យសហរដ្ឋអាមេរិកពិចារណាឡើងវិញអំពីតម្លៃជីវិតរបស់ខ្លួន បន្ទាប់ពីការបាញ់សម្លាប់ពលរដ្ឋពីរនាក់នៅទីក្រុង Minneapolis ដោយភ្នាក់ងារអន្តោប្រវេសន៍ ក្នុងរយៈពេលតិចជាងមួយខែ។
ប្រភពពីសារព័ត៌មានAFP នៅថ្ងៃទី២៦ខែមករា។
ករណីចុងក្រោយគឺការបាញ់សម្លាប់លោក Alex Pretti គិលានុបដ្ឋាយិកា ICU អាយុ ៣៧ ឆ្នាំ កាលពីថ្ងៃសៅរ៍ ខណៈករណីមុន អ្នកស្រីRenee Good ក៏ត្រូវបានបាញ់ស្លាប់នៅក្នុងឡានរបស់នាងផងដែរ។ រដ្ឋបាលលោក Donald Trump បានអះអាងថាជនរងគ្រោះអាចនឹងបង្កគ្រោះថ្នាក់ ប៉ុន្តែវីដេអូដែលត្រូវបានផ្ទៀងផ្ទាត់បង្ហាញថា Pretti មិនបានដកអាវុធឡើយ។
លោក Trump បានស្តីបន្ទោសទៅលើមន្ត្រីប្រជាធិបតេយ្យ និងគោលនយោបាយ “Sanctuary” ខណៈការតវ៉ាបានផ្ទុះឡើងនៅ Minneapolis ប្រឆាំងនឹងការអនុវត្តច្បាប់អន្តោប្រវេសន៍។ លោក Obama បានព្រមានថា ហេតុការណ៍នេះជាសញ្ញាថា តម្លៃប្រជាធិបតេយ្យអាមេរិកកំពុងរងការគំរាមកំហែង ខណៈលោក Clinton ថ្កោលទោសការប្រើកម្លាំងលើអ្នកតវ៉ា និងពលរដ្ឋ៕