ព្យុះរដូវរងាដ៏សាហាវមួយ បានវាយប្រហារទូទាំងសហរដ្ឋអាមេរិក បណ្តាលឱ្យមានអ្នកស្លាប់យ៉ាងហោចណាស់១០នាក់ និងការលុបចោលជើងហោះហើររាប់ម៉ឺន រួមទាំងការដាច់ចរន្តអគ្គិសនីដល់ប្រជាជនរាប់សែននាក់ទៀតផងដែរ។
ប្រភពពីសារព័ត៌មានAFP នៅថ្ងៃទី២៦ខែមករា។
ព្យុះនេះបាននាំមកនូវព្រិលធ្លាក់ ភ្លៀងកក និងសីតុណ្ហភាពទាបខ្លាំង ដែលរំខានដល់ជីវិតប្រចាំថ្ងៃនៅរដ្ឋជាច្រើន។ នៅទីក្រុងញូវយ៉ក មនុស្ស ៥ នាក់ត្រូវបានរកឃើញថាស្លាប់ក្រៅអគារ ខណៈរដ្ឋ Texas, Louisiana និង Tennessee ក៏រាយការណ៍ពីអ្នកស្លាប់ និងការដាច់អគ្គិសនីយ៉ាងទូលំទូលាយ។
សេវាអាកាសធាតុជាតិអាមេរិកបានព្រមានថា ភាពត្រជាក់គ្រោះថ្នាក់អាចបន្តរហូតដល់ដើមសប្តាហ៍ថ្មី ហើយអាជ្ញាធរបានអំពាវនាវឱ្យប្រជាពលរដ្ឋជៀសវាងការធ្វើដំណើរមិនចាំបាច់៕