ប្រធានាធិបតីស្តីទីនៃប្រទេសវេណេស៊ុយអេឡា លោកស្រី Delcy Rodríguez បានប្រកាសថា ប្រទេសនេះរំពឹងទទួលបានវិនិយោគប្រមាណ ១.៤ ពាន់លានដុល្លារ តាមរយៈកិច្ចសន្យាចែករំលែកផលិតកម្មប្រេង ដែលមានគោលបំណងជំរុញការផលិត និងស្តារវិស័យថាមពលដែលកំពុងជួបវិបត្តិ។
ប្រភពពីសារព័ត៌មានReuters នៅថ្ងៃទី២៧ខែមករា។
ការប្រកាសនេះត្រូវបានធ្វើឡើងក្នុងសុន្ទរកថាប្រចាំឆ្នាំលើកដំបូងរបស់លោកស្រីទៅកាន់រដ្ឋសភា ខណៈដែលរដ្ឋាភិបាលកំពុងព្យាយាមទាក់ទាញវិនិយោគិនបរទេស និងពង្រឹងតួនាទីរបស់ក្រុមហ៊ុនប្រេងជាតិ Petroleos de Venezuela SA (PDVSA)។
មន្ត្រីរដ្ឋាភិបាលបានអះអាងថា កិច្ចសន្យាទាំងនេះនឹងជួយបង្កើនការផលិតប្រេង បង្កើតចំណូលសម្រាប់រដ្ឋ និងបន្ថយផលប៉ះពាល់ពីទណ្ឌកម្មអន្តរជាតិ ដែលបានបង្អាក់ការអភិវឌ្ឍវិស័យប្រេងរបស់ប្រទេសក្នុងរយៈពេលចុងក្រោយ៕