ព្យុះរដូវរងាដ៏ខ្លាំងមួយបានបណ្តាលឱ្យមនុស្សរាប់សិបនាក់ស្លាប់ និងបង្កការរំខានយ៉ាងទូលំទូលាយនៅភាគកណ្តាល និងភាគខាងកើតសហរដ្ឋអាមេរិក ខណៈដែលសីតុណ្ហភាពត្រជាក់ខ្លាំងនៅតែបន្តកើតមាន។ ព្រិល និងទឹកកកបានគ្របដណ្តប់ផ្លូវ ស្ថាប័នសាធារណៈ និងតំបន់ទីក្រុងធំៗ រួមទាំងទីក្រុងវ៉ាស៊ីនតោនឌីស៊ី។
ប្រភពពីសារព័ត៌មានReuters នៅថ្ងៃទី២៨ខែមករា។
អាជ្ញាធរអាមេរិកបានឲ្យដឹងថា ប្រជាជនប្រហែលជិត ២០០ លាននាក់ កំពុងស្ថិតក្រោមការព្រមានអំពីអាកាសធាតុត្រជាក់ខ្លាំង ដែលអាចបន្តរហូតដល់ដើមខែកុម្ភៈ។ ស្ថានភាពអាកាសធាតុនេះបានបង្កឱ្យមានគ្រោះថ្នាក់ចរាចរណ៍ ការដាច់អគ្គិសនី និងការបិទសាលារៀនជាច្រើនកន្លែង។
ក្រុមឆ្លើយតបបន្ទាន់ត្រូវបានចល័តនៅក្នុងរដ្ឋជាច្រើន ដើម្បីជួយការពារប្រជាជនងាយរងគ្រោះ ដូចជា មនុស្សចាស់ អ្នកគ្មានទីជម្រក និងអ្នករស់នៅតំបន់ឆ្ងាយ។ អាជ្ញាធរបានអំពាវនាវឱ្យប្រជាជនប្រុងប្រយ័ត្ន និងគោរពតាមការណែនាំសុវត្ថិភាព ខណៈអាកាសធាតុអាក្រក់នៅតែបន្ត៕