នៅថ្ងៃទី27 ខែមករា រដ្ឋាភិបាលអ៊ីរ៉ង់បានប្រកាសថា ខ្លួន
ត្រៀមខ្លួនរួចជាស្រេចសម្រាប់សង្គ្រាមដែលអាចកើតឡើង ។
ដើម្បីការពារផលប្រយោជន៍ជាតិ ប៉ុន្តែបានសង្កត់ធ្ងន់ថា ការសន្ទនានៅតែជាជម្រើសអាទិភាព ចំពេលមានការគំរាមកំហែងកើនឡើងពីសហរដ្ឋអាមេរិក។
ប្រភពពីសារព័ត៌មានAnadolu Agency។
អ្នកនាំពាក្យរដ្ឋាភិបាល លោកស្រី Fatemeh Mohajerani បានថ្លែងថា អ៊ីរ៉ង់មិនមែនជាលើកដំបូងដែលប្រឈមមុខនឹងការគំរាមកំហែងបែបនេះឡើយ ហើយប្រទេសធ្លាប់ឆ្លងកាត់សង្គ្រាម និងវិបត្តិជាច្រើនដំណាក់កាលរួចមកហើយ។ ការប្រកាសនេះធ្វើឡើង ខណៈភាពតានតឹងកំពុងកើនឡើង បន្ទាប់ពីការតវ៉ាប្រឆាំងរដ្ឋាភិបាលនៅក្នុងប្រទេស និងចលនាយោធារបស់សហរដ្ឋអាមេរិកនៅតំបន់មជ្ឈិមបូព៌ា៕