លោក ដូណាល់ ត្រាំ ប្រធានាធិបតីអាមេរិក កាលពី(ថ្ងៃទី២៨ ខែមករា) បានព្រមានឱ្យអ៊ីរ៉ង់ ត្រឡប់ទៅរកកិច្ចចរចា គ្មានអាវុធនុយក្លេអ៊ែរជាមួយអាមេរិក បើមិនចង់ទ្រោមខ្លួន!។
សារព័ត៌មាន Reuters។
លោក ត្រាំ បានបង្ហោះលើបណ្ដាញទំនាក់ទំនងសង្គមដូច្នេះថា សង្ឃឹមថាអ៊ីរ៉ង់នឹងត្រឡប់មករកតុចរចាឆាប់ៗ ហើយចរចាលើកិច្ចព្រមព្រៀងមួយដ៏យុត្តិធម៌ និងស្មើភាព។
គ្មានអាវុធនុយក្លេអ៊ែរ ដែលនេះជារឿងល្អសម្រាប់មនុស្សគ្រប់គ្នា។
លោក ត្រាំ ពេលវេលាសម្រាប់អ៊ីរ៉ង់ជិតអស់ហើយ ដូច្នេះអ៊ីរ៉ង់ត្រូវតែប្រញាប់សម្រេចចិត្ត បើពុំដូច្នោះទេអាចនឹងទ្រោមខ្លួនខ្លាំង ជាងមុនៗទៅទៀតពីការវាយប្រហារយ៉ាងដំំណំ របស់អាមេរិក។
អ៊ីរ៉ង់ កាលពីថ្ងៃពុធ បានអះអាងថា ខ្លួនមិនបានស្នើសុំចរចាជាមួយសហរដ្ឋអាមេរិកនោះទេ ថែមទាំងព្រមានទៀតផងថា នឹងធ្វើការសងសឹកយ៉ាងខ្លាំងក្លាបំផុតប្រឆាំងសហរដ្ឋអាមេរិក អ៊ីស្រាអែល ព្រមទាំងអ្នកដែលគាំទ្រប្រទេសទាំង២នេះ ក្នុងករណីមានការវាយប្រហារណាមួយលើអ៊ីរ៉ង់..!។
បើតាមក្រុមមន្ត្រីអាមេរិក លោក ដូណាល់ ត្រាំមិនទាន់ធ្វើការសម្រេចចិត្តចុងក្រោយណាមួយថា តើគួរប្រើកម្លាំងយោធាលើអ៊ីរ៉ង់ ឬក៏យ៉ាងណានៅឡើយទេ ។
ខណៈកងនាវាចម្បាំងអាមេរិក ដឹកនាំដោយនាវាផ្ទុកយន្ដហោះចម្បាំង USS Abraham Lincoln បានធ្វើដំណើរទៅដល់តំបន់មជ្ឈិមបូព៌ាហើយក្នុងសប្ដាហ៍នេះ។
លោក ត្រាំ គំរាមម្ដងហើយម្ដងទៀតថា នឹងវាយប្រហារលើអ៊ីរ៉ង់ ដើម្បីជួយក្រុមបាតុករអ៊ីរ៉ង់៕