ប្រធានាធិបតីអ៊ីរ៉ង់ បានបញ្ជាឱ្យបោះពុម្ពផ្សាយឈ្មោះ និងព័ត៌មានជនរងគ្រោះទាំងអស់នៃការតវ៉ាថ្មីៗនេះ ទូទាំងប្រទេស ដើម្បីឆ្លើយតបទៅនឹងការប្រឌិត ពាក់ព័ន្ធនឹងចំនួនអ្នកស្លាប់។ ជំហាននេះត្រូវបានប្រកាសបន្ទាប់ពីប្រព័ន្ធផ្សព្វផ្សាយលោកខាងលិចមួយចំនួនបានអះអាងថា មានមនុស្សរហូតដល់ ៣០,០០០ នាក់ត្រូវបានសម្លាប់ក្នុងអំឡុងពេលតវ៉ា។
ប្រភពពីសារព័ត៌មានRoyanews នៅថ្ងៃទី២៩ខែមករា។
ការតវ៉ាបានផ្ទុះឡើងចាប់ពីចុងខែធ្នូ ឆ្នាំ២០២៥ ដោយសារបញ្ហាសេដ្ឋកិច្ច អតិផរណា និងការធ្លាក់ចុះខ្លាំងនៃរូបិយប័ណ្ណជាតិ មុននឹងរីករាលដាលពាសពេញប្រទេស និងក្លាយជារលកការតវ៉ាធំបំផុតមួយក្នុងរយៈពេលជាច្រើនឆ្នាំ។ អាជ្ញាធរអ៊ីរ៉ង់បានរាយការណ៍ថា មានអ្នកស្លាប់ចំនួន ៣,១១៧ នាក់ ហើយបានបដិសេធការអះអាងអំពីចំនួនអ្នកស្លាប់រាប់ម៉ឺននាក់ថាជាព័ត៌មានក្លែងក្លាយ៕