ប្រធានាធិបតីអ៊ុយក្រែន លោកVolodymyr Zelenskyy បានស្វាគមន៍ការប្រកាស របស់ប្រធានាធិបតីអាមេរិក Donald Trump ដែលថា រុស្ស៊ីបានយល់ព្រមផ្អាកការទម្លាក់គ្រាប់បែកលើទីក្រុង Kyiv រយៈពេល៧ថ្ងៃ ដើម្បីជួយសម្រួលស្ថានការណ៍មនុស្សធម៌ ក្នុងពេលសីតុណ្ហភាពរដូវរងាធ្លាក់ចុះយ៉ាងខ្លាំង។
ប្រភពពីសារព័ត៌មានAl Jazeera នៅថ្ងៃទី៣០ ខែមករា។
លោក Trump បាននិយាយថា លោកបានស្នើសុំដោយផ្ទាល់ ទៅប្រធានាធិបតីរុស្ស៊ី Vladimir Putin មិនឱ្យវាយប្រហារទីក្រុង Kyiv ជាបណ្តោះអាសន្ន ដោយសារអាកាសធាតុត្រជាក់ខ្លាំង ហើយរុស្ស៊ីបានយល់ព្រម។
លោក Zelenskyy បានចាត់ទុកការប្រកាសនេះថាជាជំហានសំខាន់ក្នុងការកាត់បន្ថយភាពតានតឹង និងអាចបើកផ្លូវទៅរកវឌ្ឍនភាពនៃការបញ្ចប់សង្គ្រាម៕