ប្រធានាធិបតីអាមេរិក លោក Donald Trump បានបញ្ជាក់ថា រដ្ឋបាលរបស់លោកមិនបានចែករំលែកផែនការទាក់ទងនឹងអ៊ីរ៉ង់ជាមួយសម្ព័ន្ធមិត្តនៅតំបន់ឈូងសមុទ្រទេ ខណៈដែលភាពតានតឹងរវាងសហរដ្ឋអាមេរិក និងអ៊ីរ៉ង់កំពុងកើនឡើង។
ប្រភពពីសារព័ត៌មានAnadolu Agency នៅថ្ងៃទី១ខែកុម្ភៈ។
លោក Trump បានប្រាប់ Fox News ថា ផែនការរបស់វ៉ាស៊ីនតោនត្រូវបានរក្សាជាសម្ងាត់ ដោយបញ្ជាក់ថា ការចរចាជាមួយទីក្រុងតេអេរ៉ង់កំពុងបន្ត ប៉ុន្តែលទ្ធផលនៅមិនទាន់ច្បាស់លាស់នៅឡើយ។ លោកបាននិយាយថា ប្រសិនបើការចរចាមិនទទួលបានលទ្ធផល នោះសហរដ្ឋអាមេរិកនឹងពិចារណាជម្រើសផ្សេងទៀត៕