ប្រទេសឥណ្ឌាត្រូវបានព្យាករណ៍ថា នឹងប្រឈមមុខនឹងអាកាសធាតុក្តៅ និងស្ងួតជាងធម្មតានៅខែកុម្ភៈ ឆ្នាំ២០២៦ បន្ទាប់ពីខែមករាដែលមានសីតុណ្ហភាពក្តៅខុសពីមធ្យម។
ប្រភពពីសារព័ត៌មានAl Jazeera នៅថ្ងៃទី២ខែមករា។
ស្ថានភាពអាកាសធាតុនេះ អាចបង្កការគំរាមកំហែងដល់ដំណាំរដូវរងាសំខាន់ៗ ដូចជា ស្រូវសាលី រ៉េបស៊ីដ និងសណ្តែកដី ដែលជាដំណាំសំខាន់សម្រាប់សន្តិសុខអាហាររបស់ប្រទេស។
លោក Mrutyunjay Mohapatra អគ្គនាយកនៃនាយកដ្ឋានឧតុនិយមឥណ្ឌា បានឲ្យដឹងថា តំបន់ដាំដុះស្រូវសាលីភាគពាយ័ព្យ នឹងទទួលបានទឹកភ្លៀងតិចជាងមធ្យមរយៈពេលវែងប្រហែល ៧៨ ភាគរយ ដែលអាចប៉ះពាល់ដល់ទិន្នផលកសិកម្ម និងជីវភាពកសិករ។
អ្នកជំនាញបានព្រមានថា ប្រសិនបើស្ថានភាពក្តៅ និងស្ងួតបន្តអស់រយៈពេលយូរ វាអាចធ្វើឲ្យការផ្គត់ផ្គង់អាហារមានសម្ពាធ និងប៉ះពាល់ដល់តម្លៃផលិតផលកសិកម្មនៅទីផ្សារ៕