ច្រកព្រំដែន រ៉ាហ្វា រវាងតំបន់ហ្គាហ្សា និងប្រទេសអេហ្ស៊ីប បានបើកដំណើរការឡើងវិញនៅថ្ងៃចន្ទ ដែលជាជំហានសំខាន់មួយក្នុងបទឈប់បាញ់រវាងអ៊ីស្រាអែល និងហាម៉ាស។ ទោះយ៉ាងណា ការបើកនេះមានលក្ខណៈកំណត់ខ្លាំង ដោយមានតែប្រជាជនប៉ាឡេស្ទីនមួយចំនួនតូចប៉ុណ្ណោះដែលត្រូវបានអនុញ្ញាតឱ្យឆ្លងកាត់ ហើយមិនមានទំនិញណាមួយត្រូវបានអនុញ្ញាតឱ្យដឹកជញ្ជូនឡើយ។
ប្រភពពីសារព័ត៌មានAP នៅថ្ងៃទី២ខែកុម្ភៈ។
មន្ត្រីអេហ្ស៊ីបបានឲ្យដឹងថា នៅថ្ងៃដំបូងនៃការបើកដំណើរការ មានតែប្រជាជនប្រហែល 50 នាក់ក្នុងទិសដៅនីមួយៗ ត្រូវបានរំពឹងថានឹងឆ្លងកាត់ ខណៈប្រជាជនប៉ាឡេស្ទីនប្រហែល 20,000 នាក់ ដែលត្រូវការការព្យាបាលវេជ្ជសាស្ត្រ កំពុងរង់ចាំឱកាសចាកចេញពីហ្គាហ្សា។ ជាមួយគ្នានេះដែរ ប្រជាជនប៉ាឡេស្ទីនរាប់ពាន់នាក់នៅក្រៅទឹកដី ក៏សង្ឃឹមថានឹងអាចត្រឡប់មកផ្ទះវិញតាមច្រកនេះ៕