មន្ត្រីអាមេរិក និងអ៊ីរ៉ង់ បាននិយាយ កាលពីថ្ងៃចន្ទទី២ ខែកុម្ភៈថាអ៊ីរ៉ង់ និងអាមេរិក នឹងចាប់ផ្ដើមកិច្ចចរចាឡើងវិញនៅថ្ងៃសុក្រ សប្ដាហ៍នេះ ក្នុងប្រទេសតួកគី ។
ខណៈប្រធានាធិបតីអាមេរិក លោក ដូណាល់ ត្រាំ បានព្រមានថាដោយកងនាវាចម្បាំងអាមេរិក កំពុងធ្វើដំណើរសំដៅទៅរកអ៊ីរ៉ង់ រឿងអាក្រក់អាចនឹង កើតឡើង ប្រសិនបើ មិនមានការឈានដល់កិច្ចព្រមព្រៀង។
សារព័ត៌មាន Reuters។
បេសកជនពិសេសអាមេរិក លោក Steve Witkoff និងរដ្ឋមន្ត្រីការបរទេសអ៊ីរ៉ង់ លោក Abbas Araqchi គ្រោងនឹងជួបគ្នាក្នុងទីក្រុង Istanbul ក្រោមកិច្ចប្រឹងប្រែងមួយ ។
ដើម្បីស្ដារឡើងវិញនូវការទូតពាក់ព័ន្ធនឹងជម្លោះយូរអង្វែងមកហើយជុំវិញកម្មវិធីនុយក្លេអ៊ែរអ៊ីរ៉ង់ និងបំបាត់ភាពភ័យខ្លាចពីហានិភ័យផ្ទុះសង្រ្គាមក្នុងតំបន់ទាំងមូល ស្របពេល ។
ក្រុមមន្ត្រីការទូតជាច្រើនបាននិយាយថាក្រុមអ្នកតំណាងមកពីបណ្ដាប្រទេសមួយចំនួនដូចជាអារ៉ាប៊ីសាអូឌីត និងអេហ្ស៊ីប កំពុងព្យាយាមសម្របសម្រួល.!។
ក្រុមមន្ត្រីអ៊ីរ៉ង់បានប្រាប់ Reuters កាលពីសប្ដាហ៍មុនថា លោក ត្រាំ បានទាមទារលក្ខខណ្ឌចំនួន៣ ដើម្បីអាចបើកកិច្ចចរចាឡើងវិញ ក្នុងនោះអ៊ីរ៉ង់ត្រូវបញ្ឈប់ ការចម្រាញ់សារធាតុអ៊ុយរ៉ាញ៉ូមទាំងស្រុង កំហិតលើកម្មវិធីមីស៊ីលបាលិស្ទីគ និងបញ្ឈប់ការគាំទ្រដល់សម្ព័ន្ធមិត្តរបស់ខ្លួនក្នុងតំបន់។
ខណះអ៊ីរ៉ង់ ច្រានចោលលក្ខខណ្ឌទាំង៣ នេះជាយូរមកហើយ និងចាត់ទុកថា ជារឿងមិនអាចទទួលយក៕