ភ្លើងឆេះព្រៃPatagonia របស់ប្រទេសអាហ្សង់ទីន កំពុងប្រឈមវិបត្តិភ្លើងឆេះព្រៃធ្ងន់ធ្ងរ ។
ដោយអណ្តាតភ្លើង បានបំផ្លាញព្រៃឈើជាង 450 គីឡូម៉ែត្រការ៉េ និងគំរាមកំហែងដល់ឧទ្យានជាតិ Los Alerces ដែលជាបេតិកភណ្ឌពិភពលោករបស់អង្គការយូណេស្កូ។
មនុស្សរាប់ពាន់នាក់ត្រូវបានជម្លៀសចេញ ខណៈដើមឈើ Alerces បុរាណអាយុកាលរាប់ពាន់ឆ្នាំកំពុងស្ថិតក្នុងហានិភ័យ។
ប្រភពពីសារព័ត៌មានAl Jazeera នៅថ្ងៃទី៤ខែកុម្ភៈ។
វិបត្តិនេះបានបង្កឱ្យមានការរិះគន់កាន់តែខ្លាំងចំពោះប្រធានាធិបតី Javier Milei បន្ទាប់ពីរដ្ឋាភិបាលរបស់លោកបានកាត់បន្ថយថវិកាសេវាគ្រប់គ្រងអគ្គីភ័យជាតិដល់ទៅ 71 ភាគរយ បើប្រៀបធៀបទៅនឹងឆ្នាំមុន។ ក្រុមបរិស្ថានបានព្រមានថា ការកាត់បន្ថយថវិកានេះបានធ្វើឱ្យប្រទេសខ្វះការត្រៀមលក្ខណៈក្នុងការទប់ស្កាត់គ្រោះមហន្តរាយ៕