មេដឹកនាំអ៊ុយក្រែន បានលើកឡើងថា ការបង្កើនការសម្លាប់កងទ័ពរុស្ស៊ី គួរតែជាអាទិភាពសំខាន់មួយ ដោយកំណត់គោលដៅចំនួនអ្នកស្លាប់ដល់៥០.០០០ នាក់ក្នុងមួយខែ។
ប្រធានាធិបតី Volodymyr Zelensky បានអះអាងថា ក្នុងខែធ្នូមានទាហានរុស្ស៊ីជាង៣៥.០០០ នាក់ត្រូវបានសម្លាប់ ឬរងរបួសធ្ងន់ធ្ងរ។
ប្រភពពីសារព័ត៌មាន CNN នៅថ្ងៃទី៤ខែកុម្ភៈ។
រដ្ឋមន្ត្រីការពារជាតិថ្មី Mykhailo Fedorov បាននិយាយថា យុទ្ធសាស្ត្រនេះមានគោលដៅបង្ខំសន្តិភាពតាមរយៈកម្លាំង។
របាយការណ៍ឯករាជ្យមួយប៉ាន់ប្រមាណថា ចាប់តាំងពីការឈ្លានពានទ្រង់ទ្រាយធំរបស់រុស្ស៊ី មានជនជាតិរុស្ស៊ីប្រហែល ១.២ លាននាក់ស្លាប់ រងរបួស ឬបាត់ខ្លួន ខណៈអ៊ុយក្រែនខាតបង់ប្រហែល ៥០០.០០០–៦០០.០០០នាក់។
បច្ចុប្បន្ន អ៊ុយក្រែននៅតែកាន់កាប់ប្រហែល ២០% នៃតំបន់ភាគខាងកើត រួមមានទីក្រុងសំខាន់ៗដូចជា Kramatorsk និង Sloviansk ។
ខណៈការវាយតម្លៃបង្ហាញថា រុស្ស៊ីអាចត្រូវការពេលដល់ទៅ ១៨ ខែទៀតដើម្បីដណ្តើមយកតំបន់ទាំងនេះ។
សម្រាប់គៀវ ការបន្តបង្កើនការខាតបង់សត្រូវត្រូវបានមើលឃើញថា ជាវិធីការពារទឹកដី និងទប់ស្កាត់សង្គ្រាមអនាគត៕