អាជ្ញាធរអន្តោប្រវេសន៍ និងគយសហរដ្ឋអាមេរិក (ICE) បានចាប់ខ្លួនបុរសជនជាតិវេណេស៊ុយអេឡាពីរនាក់ឡើងវិញ បន្ទាប់ពីចៅក្រមសហព័ន្ធមួយរូបបានបញ្ជាឱ្យដោះលែងពួកគេក្រោមលក្ខខណ្ឌ។ បុរសទាំងពីរនាក់ត្រូវបានចោទប្រកាន់ពីបទវាយប្រហារមន្ត្រីសហព័ន្ធ ក្នុងអំឡុងពេលការចាប់ខ្លួនដ៏ច្របូកច្របល់នៅទីក្រុង Minneapolis កាលពីខែមុន។
ប្រភពពីសារព័ត៌មានFox newនៅថ្ងៃទី៥ខែកុម្ភៈ។
បុរសទាំងពីរ គឺលោកAlfredo Alejandro Ajorna អាយុ 26 ឆ្នាំ និងលោកJulio Cesar Sosa-Celis អាយុ 24 ឆ្នាំ ត្រូវបានចៅក្រមសម្រេចថា មិនមានហានិភ័យខ្ពស់ក្នុងការរត់គេច ហើយបានបញ្ជាឱ្យដោះលែងពួកគេកាលពីដើមសប្តាហ៍នេះ។ ទោះជាយ៉ាងណា ICE បានឃុំខ្លួនពួកគេឡើងវិញភ្លាមៗ បន្ទាប់ពីសវនាការ ដោយមិនអនុញ្ញាតឱ្យពួកគេចាកចេញពីតុលាការឡើយ។
ករណីនេះបានបង្កការចាប់អារម្មណ៍ខ្លាំង និងបន្តជាបញ្ហាច្បាប់ចម្រូងចម្រាស រវាងអាជ្ញាធរអនុវត្តច្បាប់ និងមេធាវីការពារជនជាប់ចោទ៕