អ្នកត្រួតពិនិត្យអន្តរជាតិបានបញ្ជាក់ថា មិនមានភស្តុតាងគ្រប់គ្រាន់ ដើម្បីគាំទ្រការអះអាងរបស់សហរដ្ឋអាមេរិកដែលចោទប្រកាន់ថា ប្រទេសចិនបានធ្វើតេស្តអាវុធនុយក្លេអ៊ែរដោយសម្ងាត់ និងរំលោភសន្ធិសញ្ញាហាមឃាត់ការធ្វើតេស្តនុយក្លេអ៊ែរនោះទេ។
ប្រភពពីសារព័ត៌មានAl Jazeera នៅថ្ងៃទី៧ខែកុម្ភៈ។
ការបដិសេធនេះកើតឡើង បន្ទាប់ពីលោក Thomas DiNanno អនុរដ្ឋមន្ត្រីក្រសួងគ្រប់គ្រងអាវុធ និងសន្តិសុខអន្តរជាតិសហរដ្ឋអាមេរិក បានអះអាងនៅក្នុងសន្និសីទរំសាយអាវុធរបស់អង្គការសហប្រជាជាតិនៅទីក្រុងហ្សឺណែវថា ចិនបានធ្វើតេស្តគ្រាប់បែកនុយក្លេអ៊ែរជាបន្តបន្ទាប់ក្នុងឆ្នាំ ២០២០ និងព្យាយាមលាក់បាំងសកម្មភាពនោះ។
លោក DiNanno បានអះអាងថា ការធ្វើតេស្តមួយបានកើតឡើងនៅថ្ងៃទី ២២ ខែមិថុនា ឆ្នាំ ២០២០ ហើយបានផលិតទិន្នផលរាប់រយតោន ប៉ុន្តែអ្នកជំនាញត្រួតពិនិត្យអន្តរជាតិបាននិយាយថា ពួកគេមិនបានរកឃើញភស្តុតាងណាមួយដែលអាចបញ្ជាក់ការចោទប្រកាន់នេះបានឡើយ៕