ប្រធានាធិបតីអ៊ុយក្រែន លោក Volodymyr Zelenskyy បានបញ្ជាក់ថា សហរដ្ឋអាមេរិកបានកំណត់ពេលដល់ខែមិថុនា ឆ្នាំ២០២៦ ឲ្យអ៊ុយក្រែន និងរុស្ស៊ីឈានដល់កិច្ចព្រមព្រៀង ដើម្បីបញ្ចប់សង្គ្រាមដែលបានបន្តអស់ជិតបួនឆ្នាំ។
ប្រភពពីសារព័ត៌មានAl Jazeera នៅថ្ងៃទី៧ខែកុម្ភៈ។
ថ្លែងទៅកាន់អ្នកសារព័ត៌មាននៅទីក្រុងគៀវ លោក Zelenskyy បាននិយាយថា រដ្ឋបាលអាមេរិកកំពុងដាក់សម្ពាធយ៉ាងច្បាស់លាស់តាមកាលវិភាគនេះ ហើយបានស្នើឱ្យមានកិច្ចចរចាត្រីភាគីជុំថ្មី រវាងអាមេរិក អ៊ុយក្រែន និងរុស្ស៊ី នៅទីក្រុង Miami សហរដ្ឋអាមេរិក។
កាលកំណត់នេះកើតឡើងបន្ទាប់ពីកិច្ចចរចាសន្តិភាពនៅទីក្រុង Abu Dhabi។ រុស្ស៊ីទាមទារឱ្យអ៊ុយក្រែនដកខ្លួនចេញពីតំបន់ Donetsk និង Luhansk ខណៈអ៊ុយក្រែនបានបដិសេធយ៉ាងដាច់អហង្ការ ដោយអះអាងថា វាផ្ទុយនឹងរដ្ឋធម្មនុញ្ញ និងអធិបតេយ្យភាពរបស់ខ្លួន៕