កាលពីថ្ងៃទី៧ ខែកុម្ភៈ ក្រុមបាតុករប្រហែល ១០០ នាក់ បានគប់ភ្លើង និងកាំជ្រួចដាក់កម្លាំងប៉ូលីស ដើម្បីប្រឆាំងនឹងការរៀបចំការប្រកួតកីឡាអូឡាំពិករដូវរងា Milano–Cortina ឆ្នាំ ២០២៦។
ប្រភពពីសារព័ត៌មានReuters នៅថ្ងៃទី៨ខែកុម្ភៈ។
យោងតាមសារព័ត៌មាន Reuters បាតុករខ្លះបានបំបែកខ្លួនចេញពីក្រុមធំ ហើយព្យាយាមបិទផ្លូវដែលទៅកាន់សង្វៀន Santa Giulia ជាកន្លែងប្រកួតសំខាន់មួយ។ ក្នុងអំឡុងពេលនោះ មានកាំជ្រួចបានផ្ទុះ ខណៈដែលប៉ូលីសព្យាយាមគ្រប់គ្រងស្ថានការណ៍ និងរារាំងការប៉ះទង្គិចបន្ថែម។
បាតុកម្មនេះមានការព្រួយបារម្ភអំពីផលប៉ះពាល់បរិស្ថាន សេដ្ឋកិច្ច និងសង្គម ដែលអាចកើតមានពីការរៀបចំអូឡាំពិករដូវរងា។ អាជ្ញាធរមិនបានរាយការណ៍អំពីអ្នកស្លាប់ ប៉ុន្តែសន្តិសុខនៅតំបន់ត្រូវបានបង្កើន ដើម្បីទប់ស្កាត់អំពើហិង្សាបន្ថែម៕