គណៈកម្មាធិការស៊ើបអង្កេត របស់រុស្ស៊ីបានអះអាងថា ចារកម្មអ៊ុយក្រែនស្ថិតនៅពីក្រោយការប៉ុនប៉ង ធ្វើឃាតលើឧត្តមសេនីយ៍ឯក Vladimir Alekseyev កាលពីថ្ងៃសុក្រ នៅទីក្រុងមូស្គូ។
អ្នកវាយប្រហារបានបាញ់ជាច្រើនគ្រាប់ទៅលើឧត្តមសេនីយ៍រូបនេះក្នុងអគារលំនៅដ្ឋានមួយ មុនពេលរត់គេចខ្លួន។
ប្រភពពីសារព័ត៌មានCNN នៅថ្ងៃទី៩ ខែកុម្ភៈ។
អាជ្ញាធររុស្ស៊ី បាននិយាយថា ជនសង្ស័យម្នាក់ត្រូវបានចាប់ខ្លួន នៅទីក្រុងឌូបៃ បន្ទាប់ពីរត់គេចចេញពីទីក្រុងមូស្គូ ។
ខណៈជនសង្ស័យម្នាក់ទៀតត្រូវបានឃុំខ្លួន និងអ្នកសមគំនិតម្នាក់ទៀតបានរត់គេចទៅអ៊ុយក្រែន។
គណៈកម្មាធិការបានអះអាងថា ជនល្មើសសំខាន់គឺជាបុរសជនជាតិអ៊ុយក្រែន អាយុលើស ៦០ឆ្នាំ ដែលបានចូលមករុស្ស៊ី។
វិមានក្រឹមឡាំងបានឲ្យដឹងថា ប្រធានាធិបតី Vladimir Putin បានថ្លែងអំណរគុណដល់ប្រធានាធិបតី UAE ចំពោះជំនួយក្នុងការចាប់ខ្លួនជនសង្ស័យ។ ខណៈពេលជាមួយគ្នានេះរដ្ឋមន្ត្រីការបរទេសអ៊ុយក្រែនបានបដិសេធថា ទីក្រុងគៀវមិនមានពាក់ព័ន្ធនឹងការវាយប្រហារនេះឡើយ៕