គណៈរដ្ឋមន្ត្រីសន្តិសុខអ៊ីស្រាអែល បានអនុម័តវិធានការថ្មីៗ ដើម្បីផ្លាស់ប្តូរក្របខ័ណ្ឌច្បាប់ និងស៊ីវិលនៅតំបន់ West Bank ដែលកាន់កាប់ ក្នុងគោលបំណងពង្រឹងការគ្រប់គ្រងរបស់អ៊ីស្រាអែល និងជំរុញការពង្រីកការតាំងទីលំនៅ។
ប្រភពពីសារព័ត៌មានAnadolu Agency នៅថ្ងៃទី៩ខែកុម្ភៈ។
វិធានការទាំងនេះ រួមមានការលុបចោលច្បាប់សម័យហ្ស៊កដានីដែលហាមឃាត់ការលក់ដីប៉ាឡេស្ទីនឱ្យជនជាតិយូដា ការបើកកំណត់ត្រាកម្មសិទ្ធិដីធ្លីជាសាធារណៈ និងការកាត់បន្ថយការត្រួតពិនិត្យលើការទិញ និងចុះបញ្ជីដីធ្លី។ ជំហាននេះត្រូវបានរំពឹងថានឹងធ្វើឱ្យការទិញដី និងការពង្រីកការតាំងទីលំនៅកាន់តែងាយស្រួលនៅទូទាំងតំបន់ West Bank៕