នៅថ្ងៃអង្គារ៍ទី 10 ខែកុម្ភៈ ឆ្នាំ 2026 គ្រូបង្រៀនសាលារដ្ឋប្រហែល 6,000 នាក់នៅទីក្រុងសាន់ហ្វ្រាន់ស៊ីស្កូបានធ្វើកូដកម្មលើកដំបូងក្នុងរយៈពេលជិត 50 ឆ្នាំ។ កូដកម្មនេះកើតឡើងបន្ទាប់ពីការចរចារវាងសហជីពគ្រូបង្រៀន និងស្រុកសាលាបានបរាជ័យក្នុងការសម្រេចកិច្ចព្រមព្រៀងថ្មី។
ប្រភពពីសារព័ត៌មានAp។
គ្រូបង្រៀនទាមទារឲ្យមានការកើនប្រាក់ឈ្នួល និងធនធានបន្ថែមសម្រាប់សិស្សដែលមានតម្រូវការ។ ជាលទ្ធផល ស្រុកសាលាបានបិទសាលារៀនទាំង 120 កន្លែង និងរៀបចំការសិក្សាឯករាជ្យសម្រាប់សិស្សមួយចំនួនក្នុងចំណោមសិស្សប្រហែល 50,000 នាក់។
ប្រធានសហជីព United Educators of San Francisco លោក Cassondra Curiel បានអះអាងថា គ្រូបង្រៀននឹងបន្តតវ៉ារហូតដល់ពួកគេទទួលបានសាលារៀន និងកិច្ចសន្យាដែលសមនឹងសិស្ស និងសមាជិកសហជីព។ ខណៈនេះ អភិបាលក្រុង និងមេដឹកនាំនយោបាយបានអំពាវនាវឲ្យភាគីទាំងពីរបន្តការចរចា ដើម្បីជៀសវាងការបិទសាលារៀនបន្តទៀត៕