ក្រុមសមាគម៍កសិករធំមួយរបស់ឥណ្ឌា Samyukt Kisan Morcha បានប្រកាសបន្តការតវ៉ាទូទាំងប្រទេស ដោយសារព្រួយបារម្ភថារដ្ឋាភិបាលបានធ្វើសម្បទានច្រើនពេកក្នុងវិស័យកសិកម្ម ក្រោមកិច្ចព្រមព្រៀងពាណិជ្ជកម្មបណ្តោះអាសន្នជាមួយសហរដ្ឋអាមេរិក។ ក្រុមនេះគ្រោងនឹងធ្វើកូដកម្មនៅថ្ងៃទី 12 ខែកុម្ភៈ ឆ្នាំ 2026។
ប្រភពពីសារព័ត៌មានBloomberg នៅថ្ងៃទី១០ខែកុម្ភៈ។
តាមសេចក្តីថ្លែងការណ៍រួម ឥណ្ឌាបានយល់ព្រមកាត់បន្ថយ ឬលុបបំបាត់ពន្ធនាំចូលលើផលិតផលកសិកម្មមួយចំនួនពីសហរដ្ឋអាមេរិក ដែលអាចធ្វើឱ្យតម្លៃអាហារ និងចំណីសត្វថយចុះ ប៉ុន្តែអាចបង្កសម្ពាធខ្លាំងលើកសិករក្នុងស្រុក។ កសិករបារម្ភថាវាអាចបើកច្រកឱ្យផលិតផលកែប្រែហ្សែន (GM) ចូលទីផ្សារឥណ្ឌា។
សូមបញ្ជាក់ថា៖ រដ្ឋាភិបាលឥណ្ឌាបានបដិសេធការព្រួយបារម្ភនេះ ដោយបញ្ជាក់ថាផលិតផលដូចជា ទឹកដោះគោមិនត្រូវបានរួមបញ្ចូលក្នុងការចរចា ហើយមិនអនុញ្ញាតឱ្យនាំចូលដំណាំ GM ទេ។ ទោះជាយ៉ាងណា ក្រុមកសិករ និងគណបក្សប្រឆាំងនៅតែអះអាងថា កិច្ចព្រមព្រៀងនេះអាចប៉ះពាល់យ៉ាងធ្ងន់ធ្ងរដល់វិស័យកសិកម្ម និងជីវភាពកសិករខ្នាតតូច៕