នៅថ្ងៃទី១១ ខែកុម្ភៈ ឆ្នាំ២០២៦ សហរដ្ឋអាមេរិកមានគម្រោងបញ្ជូនកងទ័ពប្រហែល២០០នាក់ ទៅកាន់ប្រទេសនីហ្សេរីយ៉ា។
ដើម្បីបណ្តុះបណ្តាល និងគាំទ្រយោធាប្រទេសអាហ្វ្រិកខាងលិចនេះ ក្នុងការប្រយុទ្ធប្រឆាំងក្រុមសកម្មប្រយុទ្ធឥស្លាម។
ប្រភពពីសារព័ត៌មានReutersនៅថ្ងៃទី១១ខែកុម្ភៈ។
ការដាក់ពង្រាយនេះកើតឡើងបន្ទាប់ពីប្រធានាធិបតី ដូណាល់ ត្រាំ បានបញ្ជាឱ្យមានការវាយប្រហារតាមអាកាសលើរដ្ឋឥស្លាម កាលពីថ្ងៃបុណ្យណូអែល។ កងទ័ពអាមេរិកបានទទួលស្គាល់ថា មានកងកម្លាំងតូចមួយនៅលើដីនីហ្សេរីយ៉ារួចហើយ ហើយកងទ័ព ២០០ នាក់នេះនឹងបំពេញបន្ថែមបេសកកម្មគាំទ្រកងកម្លាំងក្នុងតំបន់។
សូមបញ្ជាក់ថា៖ នីហ្សេរីយ៉ាកំពុងប្រឈមមុខនឹងការកើនឡើងនៃអំពើហិង្សាពីក្រុម Boko Haram និងក្រុមរដ្ឋអ៊ីស្លាមខេត្តអាហ្វ្រិកខាងលិច (ISWAP) ដែលបានបង្កើនការវាយប្រហារលើយោធា និងជនស៊ីវិល ជាពិសេសនៅតំបន់ភាគខាងជើង៕