កាលពីថ្ងៃទី ១០ ខែកុម្ភៈ ឆ្នាំ២០២៦ កូនប្រុសរបស់លោក Juan Pablo Guanipa ដែលជាអ្នកនយោបាយប្រឆាំងដ៏លេចធ្លោរបស់វេណេស៊ុយអេឡា បញ្ជាក់ថាឪពុករបស់ខ្លួនកំពុងស្ថិតក្រោមការឃុំខ្លួនក្នុងផ្ទះនៅទីក្រុងMaracaibo បន្ទាប់ពីត្រូវបានដោះលែងនិងចាប់ខ្លួនឡើងវិញក្នុងរយៈពេលខ្លី។
ប្រភពពីសារព័ត៌មានReuters។
លោក Ramon Guanipa បានបង្ហោះសារលើបណ្តាញសង្គម X ថា ឪពុករបស់លោកកំពុងស្ថិតនៅក្នុងផ្ទះប៉ុន្តែបានបញ្ជាក់ថាការឃុំខ្លួនក្នុងផ្ទះនៅតែជាពន្ធនាគារហើយបានទាមទារឲ្យអាជ្ញាធរដោះលែងលោក និងអ្នកទោសនយោបាយទាំងអស់។
សូមបញ្ជាក់ថា៖ លោក Guanipa អាយុ ៦១ ឆ្នាំ ត្រូវបានដោះលែងកាលពីថ្ងៃអាទិត្យ ប៉ុន្តែត្រូវបានចាប់ខ្លួនឡើងវិញបន្ទាប់ពីបាននិយាយជាមួយប្រព័ន្ធផ្សព្វផ្សាយ និងជួបអ្នកគាំទ្រ។ ការិយាល័យរដ្ឋអាជ្ញាបានអះអាងថា លោកបានរំលោភលើលក្ខខណ្ឌនៃការដោះលែង៕