កាលពីថ្ងៃទី ១០ ខែកុម្ភៈ ឆ្នាំ២០២៦ មនុស្ស១០នាក់បានស្លាប់បន្ទាប់ពីកើតមានហេតុការណ៍បាញ់ប្រហារដ៏ធ្ងន់ធ្ងរមួយនៅវិទ្យាល័យក្នុងទីក្រុង Tumbler Ridge ខេត្ត British Columbiaរបស់ប្រទេសកាណាដា។
ប្រភពពីសារព័ត៌មានReuters។
ប៉ូលីស Royal Canadian Mounted Police បានឲ្យដឹងថា មនុស្សប្រាំមួយនាក់ត្រូវបានរកឃើញស្លាប់នៅខាងក្នុងសាលារៀន ខណៈមនុស្សពីរនាក់ទៀតស្លាប់នៅលំនៅដ្ឋានមួយដែលជាប់ពាក់ព័ន្ធនឹងហេតុការណ៍នេះ។ ជនរងគ្រោះម្នាក់ទៀតបានស្លាប់នៅពេលបញ្ជូនទៅមន្ទីរពេទ្យ។និងក្នុងនោះក៏មានខ្មាន់កាំភ្លើងស្លាប់ម្នាក់ផងដែរ។
សូមបញ្ជាក់ថា៖ ករណីនេះបានបង្កការភ្ញាក់ផ្អើលទូទាំងប្រទេសកាណាដា ខណៈអំពើបាញ់ប្រហារដ៏ធំប្រភេទនេះកើតមានកម្របើប្រៀបធៀបទៅនឹងសហរដ្ឋអាមេរិកជិតខាង។ អាជ្ញាធរកំពុងបន្តស៊ើបអង្កេតមូលហេតុនៃហេតុការណ៍នេះ៕