ប្រធានាធិបតី Cyril Ramaphosa នៃប្រទេសអាហ្វ្រិកខាងត្បូង បានប្រកាសថារដ្ឋាភិបាលនឹងដាក់ពង្រាយកងកម្លាំងការពារជាតិ ដើម្បីធ្វើការជាមួយប៉ូលីស ក្នុងការទប់ស្កាត់អំពើហិង្សាក្រុមឧក្រិដ្ឋជន និងការជីកយករ៉ែខុសច្បាប់ដែលកំពុងកើនឡើង។
ប្រភពពីសារព័ត៌មានAl Jazeera នៅថ្ងៃទី១៣ខែកុម្ភៈ។
ក្នុងសុន្ទរកថាស្តីពីស្ថានភាពជាតិ (SONA) កាលពីថ្ងៃទី 12 ខែកុម្ភៈ ឆ្នាំ 2026 លោក Ramaphosa បានបញ្ជាក់ថា កងកម្លាំងសន្តិសុខនឹងត្រូវដាក់ពង្រាយនៅខេត្ត Western Cape និង Gauteng ដើម្បីទប់ទល់នឹងក្រុមក្មេងទំនើង និងសកម្មភាពជីកយករ៉ែខុសច្បាប់។
លោកបានព្រមានថា ឧក្រិដ្ឋកម្មដែលបានរៀបចំកំពុងក្លាយជាការគំរាមកំហែងធ្ងន់ធ្ងរបំផុតចំពោះលទ្ធិប្រជាធិបតេយ្យ សង្គម និងសេដ្ឋកិច្ចជាតិ។ អាហ្វ្រិកខាងត្បូងត្រូវបានគេចាត់ទុកថាមានអត្រាឃាតកម្មខ្ពស់មួយក្នុងពិភពលោក ដោយមានមនុស្សប្រមាណ 60 នាក់ស្លាប់រៀងរាល់ថ្ងៃ ពាក់ព័ន្ធនឹងអំពើហិង្សាក្រុមឧក្រិដ្ឋជន និងជម្លោះជីកយករ៉ែខុសច្បាប់ ជាពិសេសនៅតំបន់ជុំវិញទីក្រុង Johannesburg៕