រដ្ឋាភិបាលអ៊ីរ៉ាក់ បានផ្ទេរសមាជិកក្រុម Islamic State (ISIS/Daesh) ជាង៤,៥០០ នាក់ ពីប្រទេសSyria ទៅកាន់ពន្ធនាគារនៅអ៊ីរ៉ាក់ ដោយមានការសម្របសម្រួលជាមួយសម្ព័ន្ធមិត្តអន្តរជាតិដឹកនាំដោយសហរដ្ឋអាមេរិក។
ប្រភពពីសារព័ត៌មានAnadolu Agency នៅថ្ងៃទី១៣ខែកុម្ភៈ។
លោក Sabah al-Numan អ្នកនាំពាក្យយោធាអ៊ីរ៉ាក់ បានប្រាប់ទីភ្នាក់ងារព័ត៌មានរដ្ឋ INA ថា ការសម្រេចចិត្តនេះមានគោលបំណងការពារមិនឲ្យសមាជិក ISIS រត់គេចពីពន្ធនាគារនៅស៊ីរី និងបង្កហានិភ័យសន្តិសុខឡើងវិញ។
លោកបានបញ្ជាក់ថា ការផ្ទេរនេះត្រូវបានធ្វើឡើងក្រោមការគណនាយ៉ាងម៉ត់ចត់ និងនីតិវិធីត្រឹមត្រូវ ហើយពន្ធនាគារដែលដាក់ឃុំស្ថិតក្រោមការគ្រប់គ្រងពេញលេញរបស់ក្រសួងយុត្តិធម៌អ៊ីរ៉ាក់ ដោយមិនមានការរំលោភបំពានឡើយ៕