ការិយាល័យប្រព័ន្ធផ្សព្វផ្សាយរដ្ឋាភិបាលនៅតំបន់ហ្គាហ្សាស្រ្ទីប បានអំពាវនាវឱ្យគណៈកម្មាធិការជាតិចូលទៅក្នុងតំបន់ជាបន្ទាន់ ដើម្បីចាប់ផ្តើមអនុវត្តភារកិច្ច និងធានាការផ្តល់សេវាសាធារណៈដោយមិនមានការរំខាន។
ប្រភពពីសារព័ត៌មានAnadolu Agencyនៅថ្ងៃទី១៣ខែកុម្ភៈ។
ក្នុងសេចក្តីថ្លែងការណ៍ចេញផ្សាយកាលពីថ្ងៃព្រហស្បតិ៍ អាជ្ញាធរបានបញ្ជាក់ថា ស្ថាប័នរដ្ឋាភិបាល និងបុគ្គលិកទាំងអស់បានត្រៀមខ្លួនរួចរាល់ដើម្បីការពារសិទ្ធិប្រជាពលរដ្ឋ និងបន្តសេវាសំខាន់ៗ។
សូមបញ្ជាក់ថា៖ ការអំពាវនាវនេះកើតឡើងបន្ទាប់ពីកិច្ចព្រមព្រៀងឈប់បាញ់ថ្ងៃទី 10 ខែតុលា ដែលបានបញ្ចប់សង្គ្រាមរយៈពេលពីរឆ្នាំរវាងអ៊ីស្រាអែល និងក្រុមប៉ាឡេស្ទីន។ អាជ្ញាធរប៉ាឡេស្ទីនបានរាយការណ៍ថា ជម្លោះនេះបានបណ្តាលឱ្យមានអ្នកស្លាប់ជាង 72,000 នាក់ និងរបួសជាង 171,000 នាក់ ខណៈហេដ្ឋារចនាសម្ព័ន្ធស៊ីវិលប្រហែល 90% ត្រូវបានបំផ្លិចបំផ្លាញ។ អាមេរិកបានប៉ាន់ប្រមាណថា ការកសាងឡើងវិញនឹងត្រូវការចំណាយប្រមាណ 70 ពាន់លានដុល្លារ៕