កាលពីថ្ងៃទី13 ខែកុម្ភៈ ឆ្នាំ2026 ប្រធានាធិបតីអ៊ុយក្រែន លោក Volodymyr Zelenskyy បានចុះហត្ថលេខាដាក់ទណ្ឌកម្ម លើនាវាចំនួន៩១គ្រឿង។
ដែលត្រូវបានចោទប្រកាន់ថា ជាផ្នែកមួយនៃកងនាវាស្រមោលរបស់រុស្ស៊ី ក្នុងការដឹកជញ្ជូនប្រេង និងផលិតផលប្រេងកាតទៅកាន់ប្រទេសទីបី ជៀសវាងទណ្ឌកម្មអន្តរជាតិ។
ប្រភពពីសារព័ត៌មានAnadolu Agency។
តាមសេចក្តីថ្លែងការណ៍របស់ការិយាល័យប្រធានាធិបតីអ៊ុយក្រែន ក្រឹត្យនេះអនុវត្តតាមសេចក្តីសម្រេចរបស់ក្រុមប្រឹក្សាសន្តិសុខ និងការពារជាតិ ហើយនាវាទាំងនេះត្រូវបានរកឃើញថាបានធ្វើប្រតិបត្តិការ ក្នុងតំបន់សមុទ្រខ្មៅ សមុទ្រក្រហម និងសមុទ្របាល់ទិក ដើម្បីគេចវេះទណ្ឌកម្មដែលដាក់ដោយសហភាពអឺរ៉ុបក្រុមប្រទេស G7 និងដៃគូអន្តរជាតិផ្សេងៗទៀត។
សូមបញ្ជាក់ថា៖ អាជ្ញាធរអ៊ុយក្រែនបញ្ជាក់ថា នាវាទាំងនេះបានប្រើទង់ជាតិប្រទេសប្រហែល ២០ ផ្សេងៗគ្នា ដែលមានតែមួយប៉ុណ្ណោះជាទង់រុស្ស៊ី។ ទីក្រុងគៀវនឹងបន្តចែករំលែកព័ត៌មានជាមួយប្រទេសពាក់ព័ន្ធ ដើម្បីធ្វើសមកាលកម្មវិធានការទណ្ឌកម្ម និងបង្កើនសម្ពាធលើបណ្តាញដឹកជញ្ជូនប្រេងរបស់រុស្ស៊ី៕