អង្គការសហប្រជាជាតិ(UN) បានព្រមានថាប្រព័ន្ធជំនួយមនុស្សធម៌នៅអាហ្វហ្គានីស្ថានកំពុងរងសម្ពាធយ៉ាងខ្លាំង បន្ទាប់ពីមានជនភៀសខ្លួនជាង ៥ លាននាក់វិលត្រឡប់មកប្រទេសវិញ ចាប់តាំងពីគោលនយោបាយបណ្តេញចេញចាប់ផ្តើមនៅចុងឆ្នាំ ២០២៣។
ប្រភពពីសារព័ត៌មានReutersនៅថ្ងៃទី១៤ខែកុម្ភៈ។
យោងតាមរបាយការណ៍ពី Reuters កាលពីថ្ងៃទី ១៣ ខែកុម្ភៈ ឆ្នាំ ២០២៦ អ្នកវិលត្រឡប់រាប់ពាន់នាក់កំពុងឆ្លងកាត់ព្រំដែនរៀងរាល់ថ្ងៃ ខណៈដែលប្រទេសជិតខាងដូចជា ប៉ាគីស្ថាន បន្តអនុវត្តវិធានការនិរទេស។ នៅជិតច្រកព្រំដែន Torkham គេឃើញគ្រួសារជាច្រើនដឹកទ្រព្យសម្បត្តិរបស់ខ្លួនត្រឡប់ទៅអាហ្វហ្គានីស្ថានវិញក្នុងស្ថានភាពលំបាក។
សូមរំលឹកថា៖ អង្គការសហប្រជាជាតិបានបញ្ជាក់ថា អាហ្វហ្គានីស្ថានកំពុងប្រឈមមុខនឹងវិបត្តិអត់ឃ្លានកាន់តែធ្ងន់ធ្ងរ ខណៈធនធានសម្រាប់ផ្តល់ជំនួយមានកម្រិត។ ការវិលត្រឡប់យ៉ាងច្រើនរបស់ជនភៀសខ្លួនបានធ្វើឲ្យសេវាសង្គម និងការផ្គត់ផ្គង់អាហារ សុខាភិបាល និងទីជម្រក ត្រូវបានគ្របដណ្ដប់លើសសមត្ថភាព៕