ប្រធានាធិបតីសហរដ្ឋអាមេរិក លោកDonald Trump បាននិយាយថា លោកនឹងចូលរួមដោយប្រយោលក្នុងកិច្ចចរចានុយក្លេអ៊ែរជុំទីពីររវាងអាមេរិក និងអ៊ីរ៉ង់ ដែលគ្រោងធ្វើឡើងនៅទីក្រុង Geneva របស់ប្រទេសស្វីស នៅថ្ងៃអង្គារ។
ប្រភពពីសារព័ត៌មានAl Jazeera នៅថ្ងៃទី១៧ខែកុម្ភៈ។
លោក Trump ថ្លែងប្រាប់អ្នកសារព័ត៌មានលើយន្តហោះ Air Force One ថា កិច្ចពិភាក្សានេះមានសារៈសំខាន់ខ្លាំង ហើយអ៊ីរ៉ង់គឺជាអ្នកចរចាដ៏លំបាកម្នាក់។ លោកបន្ថែមថា ទីក្រុងតេអេរ៉ង់បានយល់ដឹងពីផលវិបាកនៃការមិនឈានដល់កិច្ចព្រមព្រៀង បន្ទាប់ពីភាពតានតឹងកាលពីខែមិថុនា ដែលសហរដ្ឋអាមេរិកបានចូលរួមគាំទ្រអ៊ីស្រាអែល និងវាយប្រហារលើទីតាំងនុយក្លេអ៊ែររបស់អ៊ីរ៉ង់។
សូមបញ្ជាក់ថា៖ ការអត្ថាធិប្បាយនេះកើតឡើង ខណៈដែលរដ្ឋមន្ត្រីការបរទេសអ៊ីរ៉ង់ Abbas Araghchi បានធ្វើដំណើរទៅកាន់ទីក្រុងហ្សឺណែវ សម្រាប់ជំនួបមុនពេលចរចាដោយប្រយោលជាមួយសហរដ្ឋអាមេរិក៕