យន្តហោះយោធារបស់អាមេរិក ចំនួនបីគ្រឿងបានមកដល់ទីក្រុង Maiduguri ភាគឦសាននៃប្រទេសនីហ្សេរីយ៉ា ដើម្បីចូលរួមបេសកកម្មសន្តិសុខទ្វេភាគីថ្មី ដែលផ្តោតលើតួនាទីគាំទ្រមិនមែនប្រយុទ្ធ។
ប្រភពពីសារព័ត៌មានAnadolu Agency នៅថ្ងៃទី១៧ខែកុម្ភៈ។
មន្ត្រីទីស្នាក់ការកណ្តាលការពារជាតិនីហ្សេរីយ៉ាបានឱ្យដឹងថា កងទ័ពអាមេរិកប្រមាណ 100 នាក់បានមកដល់ចាប់ពីថ្ងៃព្រហស្បតិ៍ដល់ថ្ងៃអាទិត្យ ជាផ្នែកនៃការដាក់ពង្រាយដំបូង ហើយនឹងមានការហោះហើរបន្ថែមទៀតនៅសប្តាហ៍ខាងមុខ។ កងកម្លាំងអាមេរិកនឹងធ្វើប្រតិបត្តិការពីមជ្ឈមណ្ឌលបញ្ជា និងមិនចូលរួមប្រយុទ្ធដោយផ្ទាល់ឡើយ។
សូមបញ្ជាក់ថា៖ អ្នកនាំពាក្យការពារជាតិនីហ្សេរីយ៉ា Samaila Uba បានបញ្ជាក់ថា បុគ្គលិកអាមេរិកនឹងមិនបម្រើក្នុងតួនាទីប្រយុទ្ធទេ ប៉ុន្តែគ្រាន់តែគាំទ្រកិច្ចខិតខំប្រឹងប្រែងសន្តិសុខរបស់នីហ្សេរីយ៉ា៕