កាលពីថ្ងៃទី 17 ខែកុម្ភៈ ឆ្នាំ2026 មានករណីផ្ទុះអគារប៉ូលីសយោធា ដ៏សាហាវមួយក្នុងទីក្រុង Sertolovo តំបន់ Leningrad ជិតទីក្រុងSaint Petersburgរបស់ប្រទេសរុស្ស៊ី បណ្ដាលឲ្យជាន់ខាងលើនៃអគារដួលរលំ និងសម្លាប់មនុស្សយ៉ាងហោចណាស់៣នាក់ ខណៈមនុស្សជាច្រើនទៀតរងរបួស។
ប្រភពពីសារព័ត៌មានAl Jazeera នៅថ្ងៃទី១៨ ខែកុម្ភៈ។
តាមការរាយការណ៍របស់សារព័ត៌មានក្នុងស្រុក រួមទាំង 78 News និង 47 News ដោយដកស្រង់ប្រភពសេវាសង្គ្រោះបន្ទាន់ បានបញ្ជាក់ពីចំនួនអ្នកស្លាប់ និងការខូចខាតធ្ងន់ធ្ងរ។ រូបភាពដែលបានផ្សព្វផ្សាយបង្ហាញឲ្យឃើញជាន់ខាងលើពីររបស់អគារដួលរលំ និងគំនរកំទេចកំទីជុំវិញតំបន់កើតហេតុ។
អភិបាលតំបន់ Leningrad លោក Alexander Drozdenko បានឲ្យដឹងថា មូលហេតុនៃការដួលរលំកំពុងស្ថិតក្រោមការស៊ើបអង្កេត។ កម្លាំងយោធា និងសន្តិសុខត្រូវបានបញ្ជូនទៅកាន់ទីតាំង ដើម្បីជួយសង្គ្រោះ និងសម្អាតបាក់បែក ខណៈមានការព្រួយបារម្ភថា អគារអាចដួលរលំបន្ថែមទៀត៕