កាលពីថ្ងៃទី១៧ ខែកុម្ភៈ ឆ្នាំ២០២៦ រដ្ឋសមាជិកអង្គការសហប្រជាជាតិជាង៨០ប្រទេស និងអង្គការអន្តរជាតិមួយចំនួន បានថ្កោលទោសការសម្រេចចិត្តឯកតោភាគីរបស់អ៊ីស្រាអែល ដែលមានគោលបំណងពង្រីកវត្តមានខុសច្បាប់នៅក្នុងតំបន់ West Bank ដែលកាន់កាប់។
ប្រភពពីសារព័ត៌មាន Anadolu Agency។
ថ្លែងនៅទីស្នាក់ការកណ្តាលអង្គការសហប្រជាជាតិក្នុងទីក្រុងញូវយ៉ក បេសកជនប៉ាឡេស្ទីន Riyad Mansour បាននិយាយថា សេចក្តីសម្រេចទាំងនេះផ្ទុយនឹងកាតព្វកិច្ចរបស់អ៊ីស្រាអែលក្រោមច្បាប់អន្តរជាតិ ហើយត្រូវតែបដិសេធភ្លាមៗ។
ក្រុមប្រទេសទាំងនេះក៏បានបង្ហាញការប្រឆាំងយ៉ាងខ្លាំងចំពោះទម្រង់ណាមួយនៃការបញ្ចូលដែនដីផងដែរ។
សូមបញ្ជាក់ថា៖ ការថ្កោលទោសនេះកើតឡើងបន្ទាប់ពីរដ្ឋាភិបាលអ៊ីស្រាអែលអនុម័តសំណើចុះបញ្ជីដីធ្លីធំៗនៅ West Bank ជាទ្រព្យសម្បត្តិរដ្ឋ ខណៈដែលមន្ត្រីប៉ាឡេស្ទីនរាយការណ៍ថា ចាប់តាំងពីខែតុលា ២០២៣ មនុស្សជាង ១,១១៤ នាក់ត្រូវបានសម្លាប់ និងរាប់ម៉ឺននាក់ទៀតរងរបួស ឬត្រូវបានចាប់ខ្លួន៕