កាលពីថ្ងៃទី18 ខែកុម្ភៈ ឆ្នាំ2026 ប្រធានសិទ្ធិមនុស្សរបស់អង្គការសហប្រជាជាតិ បានសម្តែងការព្រួយបារម្ភយ៉ាងខ្លាំងចំពោះការស្លាប់របស់ជនស៊ីវិលរាប់សិបនាក់ ក្នុងការវាយប្រហារដោយដ្រូននៅស៊ូដង់ ហើយអំពាវនាវឲ្យបញ្ឈប់ការវាយប្រហារលើគោលដៅស៊ីវិលភ្លាមៗ។
ប្រភពពីសារព័ត៌មានAnadolu Agency។
លោក Volker Türk បានថ្លែងថា ការសម្លាប់ចុងក្រោយបនេះជាការរំលឹកដ៏ឈឺចាប់អំពីផលវិបាកធ្ងន់ធ្ងរលើជនស៊ីវិល ពីការកើនឡើងនៃការប្រើប្រាស់ដ្រូនក្នុងជម្លោះ។ លោកបានព្រមានមិនអោយមានការវាយប្រហារជាបន្តបន្ទាប់លើទីផ្សារ មណ្ឌលសុខភាព និងសាលារៀន។
សូមបញ្ជាក់ថា៖ តាមការិយាល័យសិទ្ធិមនុស្សអង្គការសហប្រជាជាតិ យ៉ាងហោចណាស់ជនស៊ីវិល៥៧នាក់ត្រូវបានសម្លាប់ចន្លោះថ្ងៃទី ១៥-១៦ ខែកុម្ភៈ នៅក្នុងរដ្ឋចំនួនបួន៕