យ៉ាងហោចណាស់បុគ្គលិកជំនួយមនុស្សធម៌៣នាក់ត្រូវបានសម្លាប់ និង៤នាក់ផ្សេងទៀតរងរបួស បន្ទាប់ពីក្បួនរថយន្តដឹកស្បៀង និងសម្ភារៈជំនួយត្រូវបានវាយប្រហារដោយដ្រូនដែលគេសង្ស័យថារបស់កងកម្លាំងគាំទ្ររហ័ស (RSF) នៅរដ្ឋ South Kordofan ប្រទេសស៊ូដង់។
ប្រភពពីសារព៏ត៌មានAl Jazeera នៅថ្ងៃទី២០ខែកុម្ភៈ។
បណ្តាញគ្រូពេទ្យស៊ូដង់បានថ្កោលទោសការវាយប្រហារនេះថាជាការរំលោភច្បាប់មនុស្សធម៌អន្តរជាតិយ៉ាងច្បាស់ ហើយបានអំពាវនាវឱ្យសហគមន៍អន្តរជាតិដាក់សម្ពាធលើ RSF ដើម្បីការពារកម្មករមនុស្សធម៌ និងបើកច្រករបៀងជំនួយឱ្យមានសុវត្ថិភាព។ នេះជាករណីលើកទីពីរនៅក្នុងរយៈពេលតិចជាងមួយខែ បន្ទាប់ពីមានការបាញ់ផ្លោងលើក្បួនជំនួយរបស់អង្គការសហប្រជាជាតិ៕