នៅថ្ងៃទី២៣ ខែកុម្ភៈ ឆ្នាំ២០២៦ អាជ្ញាធរកូរ៉េខាងត្បូងបានដាក់ពង្រាយអ្នកពន្លត់អគ្គីភ័យជាង៦០០នាក់ រួមទាំងឧទ្ធម្ភាគចក្រ៥១គ្រឿង ដើម្បីទប់ស្កាត់ភ្លើងឆេះព្រៃដែលកំពុងឆេះរាលដាលដល់ថ្ងៃទី៣ នៅស្រុក Hamyang ខេត្ត South Gyeongsang Province។
ប្រភពពីសារព័ត៌មានAnadolu Agency។
តាមទីភ្នាក់ងារសារព័ត៌មាន Yonhap បាននិយាយថាភ្លើងបានផ្ទុះឡើងតាំងពីថ្ងៃសៅរ៍ ហើយបានឆេះបំផ្លាញដីប្រហែល ១៩០ ហិកតា។ គិតត្រឹមព្រឹកថ្ងៃចន្ទ អត្រាទប់ស្កាត់ស្ថិតនៅត្រឹម ៣២% ប៉ុណ្ណោះ។
អាជ្ញាធរបានបង្កើនកម្លាំងពេញមួយយប់ ដើម្បីទប់ស្កាត់អណ្តាតភ្លើងមិនឱ្យរាលដាលដល់តំបន់លំនៅដ្ឋាន ប៉ុន្តែស្ថានភាពដីជម្រាល និងខ្យល់បក់ខ្លាំងបានរារាំងប្រតិបត្តិការពន្លត់អគ្គីភ័យ៕