ប្រធានាធិបតីម៉ិកស៊ិក Claudia Sheinbaum បានបញ្ជាក់ថា ក្រុមមេធាវីរបស់លោកស្រីកំពុងពិចារណាចាត់វិធានការផ្លូវច្បាប់ ប្រឆាំងនឹងមហាសេដ្ឋីបច្ចេកវិទ្យាលោកElon Musk បន្ទាប់ពីលោកបានចោទប្រកាន់ថា លោកស្រីមានទំនាក់ទំនងជាមួយក្រុមជួញដូរគ្រឿងញៀន។
ប្រភពពីសារព័ត៌មានAl Jazeeraនៅថ្ងៃទី២៥ខែកុម្ភះ។
ក្នុងសន្និសីទសារព័ត៌មានពេលព្រឹក លោកស្រី Sheinbaum បានច្រានចោលការចោទប្រកាន់ដែលថារដ្ឋាភិបាលរបស់លោកស្រីជារដ្ឋាភិបាលគ្រឿងញៀនដោយពិពណ៌នាថា ជាការប្រឌិត និងមិនសមហេតុផល។ លោកស្រីបានបញ្ជាក់ថា ការចោទប្រកាន់ទាំងនេះនិងគ្មានមូលដ្ឋានពិតប្រាកដឡើយ។
យ៉ាងណាក៏ដោយ លោកស្រី Sheinbaum បានអះអាងថា រដ្ឋាភិបាលរបស់លោកស្រីប្តេជ្ញាចិត្តបន្តប្រយុទ្ធប្រឆាំងអំពើហិង្សា និងបដិសេធយ៉ាងតឹងរ៉ឹងចំពោះការចោទប្រកាន់ណាមួយដែលព្យាយាមភ្ជាប់លោកស្រីជាមួយបណ្តាញឧក្រិដ្ឋកម្ម៕