ប្រធានាធិបតីអ៊ុយក្រែន Volodymyr Zelenskyy បានរំពឹងថាទណ្ឌកម្មលើកទី២០របស់សហភាពអឺរ៉ុបប្រឆាំងនឹងរុស្ស៊ី នឹងមានប្រសិទ្ធភាពទោះបីជាកំពុងប្រឈមបញ្ហាប្រឈមខ្លះៗក៏ដោយ។
ប្រភពពីសារព័ត៌មានAnadu Agency នៅថ្ងៃទី២៥ខែកុម្ភៈ។
ថ្លែងក្នុងសន្និសីទសារព័ត៌មានរួមជាមួយប្រធានក្រុមប្រឹក្សាអឺរ៉ុប Antonio Costa និងប្រធានគណៈកម្មការអឺរ៉ុប Ursula von der Leyen លោក Zelenskyy បាននិយាយថា លោកកំពុងពឹងលើទណ្ឌកម្មនេះហើយសង្ឃឹមថាវានឹងត្រូវអនុម័តឱ្យបានឆាប់តាមដែលអាចធ្វើទៅបាន។
ទោះជាយ៉ាងណា ប្រធានគោលនយោបាយការបរទេសសហភាពអឺរ៉ុប Kaja Kallas បានឲ្យដឹងថា រដ្ឋមន្ត្រីការបរទេសសហភាពអឺរ៉ុបមិនទាន់ឈានដល់កិច្ចព្រមព្រៀងលើទណ្ឌកម្មថ្មីនៅកិច្ចប្រជុំទីក្រុងព្រុចសែលទេ ដោយសារការប្រឆាំងពីប្រទេសហុងគ្រី និងស្លូវ៉ាគី។ ទោះយ៉ាងណា ការចរចានៅតែបន្ត ដើម្បីស្វែងរកដំណោះស្រាយ និងសម្រេចឱ្យបានឆាប់រហ័ស៕