អាមេរិក និងអ៊ីរ៉ង់ គ្រោងបើកកិច្ចចរចាដោយប្រយោល នៅក្នុងទីក្រុងហ្សឺណែវ ប្រទេសស្វីស នាថ្ងៃព្រហស្បតិ៍ ទី២៦ ខែកុម្ភៈ ឆ្នាំ២០២៦។
ដើម្បីស្វែងរកកិច្ចព្រមព្រៀងមួយ សំដៅទប់ស្កាត់កុំឱ្យសង្រ្គាមផ្ទុះឡើង និងបិទបញ្ចប់ការសម្លុតគំរាមគ្នា ទៅវិញទៅមកជាច្រើនសប្ដាហ៍មកនេះ។
សារព័ត៌មាន AFP។
កិច្ចចរចាជុំថ្មី នៅទីក្រុងហ្សឺណែវ កើតមានឡើងបន្ទាប់ ពីសហរដ្ឋអាមេរិក បង្កើនវត្តមានយោធាយ៉ាងសម្បើម នៅក្នុងតំបន់ ។
លោកប្រធានាធិបតី ដូណាល់ ត្រាំ បានគំរាម ម្ដងហើយម្ដងទៀតថា វាយប្រហារលើអ៊ីរ៉ង់ ប្រសិនបើមិនអាចឈានដល់កិច្ចព្រមព្រៀង។
នៅក្នុងសុន្ទរកថា ស្ដីពីស្ថានភាពសហព័ន្ធទៅកាន់សភាអាមេរិក កាលពីថ្ងៃអង្គារសប្ដាហ៍នេះ លោក ត្រាំ បានចោទប្រកាន់អ៊ីរ៉ង់ថា មានមហិច្ឆតានុយក្លេអ៊ែរទុច្ចរិត។
លោកបានគូសបញ្ជាក់យ៉ាងដូច្នេះថា ទីក្រុងតេហេរ៉ង់ បានអភិវឌ្ឍមីស៊ីលឈានដល់កម្រិត ដែលអាចគំរាមកំហែងចំពោះអឺរ៉ុប និងមូលដ្ឋានអាមេរិកនៅក្រៅប្រទេស ហើយពួកគេ អ៊ីរ៉ង់) ក៏កំពុងធ្វើការដើម្បីផលិតមីស៊ីល ដែលអាចបាញ់ជិតដល់អាមេរិក។
ក្រសួងការរបរទេសអ៊ីរ៉ង់ ចាត់ទុកសុន្ទរកថា របស់លោក ត្រាំ ថាជាការទម្លាក់កំហុស។
ទីក្រុងតេហេរ៉ង់ ចម្ងាយអតិបរមានៃមីស៊ីលអ៉ីរ៉ង់គឺ ២.០០០គីឡូម៉ែត្រ។
យ៉ាងនេះក្តី សេវាស្រាវជ្រាវ នៃសភាអាមេរិកប៉ាន់ប្រមាណថា មីស៊ីលអ៊ីរ៉ង់ មានចម្ងាយអតិបរមាប្រហែល៣.០០០គីឡូម៉ែត្រ ដែលតិចជាងមួយភាគបី នៃចម្ងាយឆ្ពោះមកកាន់ដីគោករបស់សហរដ្ឋអាមេរិក៕