ប្រទេសជប៉ុនមានផែនការដាក់ពង្រាយប្រព័ន្ធមីស៊ីលនៅលើកោះ Yonaguni ដែលស្ថិតជិតកោះតៃវ៉ាន់ ប្រហែល ១១០ គីឡូម៉ែត្រ។ មន្ត្រីការពារជាតិជប៉ុនបានបញ្ជាក់ថា ការដាក់ពង្រាយអាចចាប់ផ្តើមនៅឆ្នាំសារពើពន្ធ ២០៣០ ឬ ២០៣១ ដើម្បីពង្រឹងសមត្ថភាពទប់ស្កាត់ការគំរាមកំហែងក្នុងតំបន់។
ប្រភពពីសារព័ត៌មានAl Jazeera នៅថ្ងៃទី២៦ខែកុម្ភៈ។
រដ្ឋមន្ត្រីការពារជាតិ Shinjiro Koizumi បាននិយាយថា ប្រព័ន្ធនេះមានគោលបំណងស្ទាក់ចាប់យន្តហោះ និងមីស៊ីលផ្លោង។ ការប្រកាសកាលវិភាគច្បាស់លាស់នេះត្រូវបានមើលឃើញថាជាជំហានថ្មីក្នុងការពង្រីកវត្តមានយោធារបស់ជប៉ុននៅតំបន់ខ្សែសង្វាក់កោះ Ryukyu។
អ្នកវិភាគមួយចំនួនព្រមានថា វាអាចបង្កើនភាពតានតឹងជាមួយប្រទេស China ដែលទាមទារតៃវ៉ាន់ជាផ្នែកមួយនៃទឹកដីរបស់ខ្លួន។ ក្រសួងការបរទេសចិនបានថ្កោលទោសចលនានេះថាជាការជ្រៀតជ្រែកនិងលេងជាមួយភ្លើងលើបញ្ហាតៃវ៉ាន់៕