ការផ្ទុះត្រូវបានរាយការណ៍នៅក្នុងទីក្រុងជាច្រើនរបស់អ៊ីរ៉ង់ រួមទាំងរដ្ឋធានីតេអេរ៉ង់ផងដែរ។
បន្ទាប់ពីអ៊ីស្រាអែល និងសហរដ្ឋអាមេរិក បានបើកការវាយប្រហារ នៅព្រឹកថ្ងៃសៅរ៍ទី២៨ ខែកុម្ភៈ ឆ្នាំ២០២៦។
សារព័ត៌មានCNN។
ការវាយប្រហារនេះ បានកើតឡើងបន្ទាប់ពីប្រធានាធិបតីអាមេរិក ដូណាល់ ត្រាំ បានចំណាយពេលជាច្រើនសប្តាហ៍ក្នុងការគំរាមកំហែងផង និងចរចាជាមួយអ៊ីរ៉ង់ផង ពាក់ព័ន្ធកិច្ចព្រមព្រៀងនុយក្លេអ៊ែរ និងមីស៊ីល ប៉ុន្តែត្រូវបរាជ័យ..!។
ការចរចាដោយប្រយោល កំពុងបន្តរវាងទីក្រុងវ៉ាស៊ីនតោន និងទីក្រុងតេអេរ៉ង់ លើកម្មវិធីនុយក្លេអ៊ែររបស់ប្រទេសនេះ ទល់នឹងផ្ទៃខាងក្រោយ នៃការកសាងយោធារបស់សហរដ្ឋអាមេរិក កាន់តែទូលំទូលាយនៅមជ្ឈិមបូព៌ា.!។
អ៊ីស្រាអែល បានប្រកាសពីភាពអាសន្នទូទាំងប្រទេស នៅពេលដែលការវាយប្រហារត្រូវបានចាប់ផ្តើម ដោយរំពឹងថា នឹងមានការសងសឹករបស់អ៊ីរ៉ង់។
មន្ត្រីអាមេរិកម្នាក់ និយាយថា ការវាយប្រហារ របស់សហរដ្ឋអាមេរិក បច្ចុប្បន្នផ្តោតលើគោលដៅយោធា ប៉ុន្តែបានបដិសេធ មិនពន្យល់លម្អិតដោយលើកឡើងពីប្រតិបត្តិការដែលកំពុងដំណើរការ។
មន្ត្រីអាមេរិកម្នាក់ទៀត បាននិយាយថា គោលដៅនៃការវាយប្រហារនេះ គឺដើម្បីដោះស្រាយការគំរាមកំហែងយោធារបស់អ៊ីរ៉ង់ និងការពារកងកម្លាំងអាមេរិក។
មន្ត្រីទីមួយបាននិយាយថា សហរដ្ឋអាមេរិក បានដាក់ចេញនូវវិធានការ ដើម្បីការពារបុគ្គលិកយោធាអាមេរិកនៅក្នុងតំបន់៕