កាលពីថ្ងៃទី២៧ ខែកុម្ភៈ ឆ្នាំ២០២៦ តុលាការកំពូលរបស់អ៊ីស្រាអែល បានចេញដីកាបណ្ដោះអាសន្នអនុញ្ញាតឱ្យអង្គការជំនួយអន្តរជាតិបន្តប្រតិបត្តិការនៅតំបន់ហ្គាហ្សា និងទឹកដីប៉ាឡេស្ទីនផ្សេងទៀត បន្ទាប់ពីរដ្ឋាភិបាលបានប្រកាសគម្រោងហាមឃាត់ក្រុមជំនួយចំនួន៣៧ដោយសារមិនគោរពតាមច្បាប់ថ្មី។
ប្រភពពីសារព័ត៍មានAl Jazeera។
ដីកានេះអនុញ្ញាតឱ្យអង្គការមិនមែនរដ្ឋាភិបាលបន្តសកម្មភាព ខណៈតុលាការកំពុងពិចារណាលើញត្តិពីក្រុមជំនួយ ១៧ ដែលបានប្តឹងប្រឆាំងការសម្រេចរបស់រដ្ឋាភិបាល។ ការហាមឃាត់គ្រោងអនុវត្តចាប់ពីថ្ងៃទី ១ ខែមីនា ហើយអ្នកជំនាញបានព្រមានថា វាអាចប៉ះពាល់ធ្ងន់ធ្ងរដល់ប្រជាជនប៉ាឡេស្ទីន។
សូមបញ្ជាក់ថា៖ ទោះបីមានកិច្ចព្រមព្រៀងឈប់បាញ់ក៏ដោយ អង្គការជំនួយបានព្រមានថា ស្ថានភាពមនុស្សធម៌នៅហ្គាហ្សានៅតែមហន្តរាយ ហើយតម្រូវការជំនួយនៅតំបន់វេស្តប៊ែងក៏កំពុងកើនឡើងផងដែរ៕