នៅថ្ងៃទី២៨ ខែកុម្ភៈ ឆ្នាំ២០២៦ រដ្ឋមន្ត្រីការបរទេសអូម៉ង់ Badr bin Hamad Al Busaidi បានប្រកាសថា អ៊ីរ៉ង់បានយល់ព្រមមិនស្តុកទុកអ៊ុយរ៉ាញ៉ូមដែលបានចម្រាញ់ ក្នុងអំឡុងការចរចាដោយប្រយោលជាមួយអាមេរិកដែលអូម៉ង់ធ្វើជាអ្នកសម្របសម្រួល។
ប្រភពពីសារព័ត៌មានAl Jazeera។
លោក Al Busaidi បានបញ្ជាក់ការយល់ព្រមនេះថា ជា របកគំហើញដ៏សំខាន់ព្រោះការមិនស្តុកទុកនឹងធានាថា អ៊ីរ៉ង់មិនអាចផលិតអាវុធនុយក្លេអ៊ែរបាន។ លោកបានបញ្ជាក់ថា នឹងមានការផ្ទៀងផ្ទាត់ពេញលេញពីទីភ្នាក់ងារថាមពលបរមាណូអន្តរជាតិ (IAEA) ហើយស្តុកបច្ចុប្បន្ននឹងត្រូវបំផ្លាញ ឬបម្លែងទៅជាឥន្ធនៈដែលមិនអាចយកត្រឡប់មកប្រើសម្រាប់គោលបំណងយោធាវិញបាន៕