នៅថ្ងៃទី២៨ ខែកុម្ភៈ ឆ្នាំ២០២៦ រដ្ឋបាលរបស់ប្រធានាធិបតី Donald Trump បានចោទប្រកាន់លើក្រុមបាតុករដែលពាក់ព័ន្ធនឹងការតវ៉ានៅព្រះវិហារ Cities ក្នុងទីក្រុង St Paul រដ្ឋMinnesota ពី៩នាក់កើនដល់៣៩នាក់។
ប្រភពពីសារព័ត៌មានAl Jazeera។
ការតវ៉ានេះធ្វើឡើងក្នុងបរិបទនៃការរិះគន់លើគោលនយោបាយអន្តោប្រវេសន៍តឹងរឹងរបស់រដ្ឋបាល Trump។ ទោះជាយ៉ាងណា មន្ត្រីរដ្ឋាភិបាលបានពិពណ៌នាព្រឹត្តិការណ៍នេះថា ជាការរំខានដល់សេរីភាពសាសនា និងការវាយប្រហារលើទីសក្ការៈបូជា។
អគ្គព្រះរាជអាជ្ញា Pam Bondi បានប្រកាសថា ក្រសួងយុត្តិធម៌បានចោទប្រកាន់មនុស្ស ៣០ នាក់បន្ថែមទៀត ហើយភ្នាក់ងារសហព័ន្ធបានចាប់ខ្លួន ២៥ នាក់រួចហើយ ខណៈការចាប់ខ្លួនបន្ថែមកំពុងបន្ត។ លោកស្រីបានព្រមានថា អ្នកណាដែលរំខានដល់ពិធីសាសនានឹងត្រូវប្រឈមមុខនឹងការចាប់ខ្លួន និងចោទប្រកាន់តាមច្បាប់៕