ប្រព័ន្ធផ្សព្វផ្សាយរដ្ឋអ៊ីរ៉ង់ នៅថ្ងៃទី១ ខែមីនា ឆ្នាំ២០២៦ បានទទួលស្គាល់ថារដ្ឋមន្ត្រីការពារជាតិ ប្រមុខកងកម្លាំងប្រដាប់អាវុធអ៊ីរ៉ង់ រួមនិងមេដឹកនាំកំពូលអ៊ីរ៉ង់ ពិតជាត្រូវបានសម្លាប់នៅក្នុងការវាយប្រហាររបស់ សហរដ្ឋអាមេរិក និងអ៊ីស្រាអែល កាលពីថ្ងៃសៅរ៍ម្សិលមិញប្រាកដមែន។
សារព័ត៌មាន CNN។
ទីភ្នាក់ងារសារព័ត៌មានអ៊ីរ៉ង់ Tasnim បានឱ្យដឹងថា ឧត្តមសេនីយ៍ លោក Abdolrahim Mousavi ដែលទើបតែឡើងកាន់តំណែងបន្តវេន ពីប្រមុខកងកម្លាំងប្រដាប់អាវុធអ៊ីរ៉ង់ មុនដែលត្រូវបានសម្លាប់ ក្នុងសង្រ្គាម ១២ថ្ងៃជាមួយអ៊ីស្រាអែល កាលពីខែមិថុនា ឆ្នាំ២០២៥ ត្រូវបានសម្លាប់ក្នុងការវាយប្រហារកាលពីថ្ងៃសៅរ៍។
ចំណែក លោក Aziz Nasirzadeh រដ្ឋមន្ត្រីការពារជាតិអ៊ីរ៉ង ក៏ត្រូវបានសម្លាប់ ក្នុងការវាយប្រហារ របស់សហរដ្ឋអាមេរិក និងអ៊ីស្រាអែល កាលពីថ្ងៃសៅរ៍។
អ៊ីរ៉ង់ ក៏បានទទួលស្គាល់ដែរពីការស្លាប់របស់មេបញ្ជាការ២រូប គឺលោក Mohammad Pakpour ដែលដឹកនាំកងកម្លាំងឆ្មាំបដិវត្តន៍អ៊ីរ៉ង់ និងលោក Ali Shamkhani មេដឹកនាំកំពូល៕