រដ្ឋាភិបាលកាតា ប្រកាសចាប់ខ្លួនជនសង្ស័យ១០នាក់ ដែលជាអ្នកស៊ើបការណ៍សម្ងាត់សម្រាប់កងឆ្មាំបដិវត្តន៍អ៊ីរ៉ង់ (IRGC) ក្រោយពីការវាយប្រហាររវាងសហរដ្ឋអាមេរិក និងអ៊ីស្រាអែលលើអ៊ីរ៉ង់។
ប្រភពពីសារព័ត៌មានAl Jazeera នៅថ្ងៃទី៤ខែមីនា។
មនុស្សប្រាំពីរនាក់ត្រូវបានផ្តល់ភារកិច្ចស៊ើបការណ៍លើ កន្លែងសំខាន់ៗ និងយោធានៅកាតា ខណៈបីនាក់បានចាត់តាំងសម្រាប់ប្រតិបត្តិការបំផ្លិចបំផ្លាញ។ អាជ្ញាធរបានរកឃើញទីតាំងកន្លែងស្នាក់ និងឧបករណ៍បច្ចេកវិទ្យា និងឧបករណ៍ទំនាក់ទំនងរបស់ពួកគេ។
ការចាប់ខ្លួននេះកើតឡើង ខណៈការវាយប្រហារសងសឹករបស់អ៊ីរ៉ង់នៅតំបន់មជ្ឈិមបូព៌ា និងប្រទេសជិតខាង នៅកាតា អេមីរ៉ាតអារ៉ាប់រួម និងគុយវ៉ែត៕