ប្រធានាធិបតីសហរដ្ឋអាមេរិក លោក Donald Trump ប្រកាសថា នឹងកាត់ផ្តាច់ពាណិជ្ជកម្មទាំងអស់ជាមួយប្រទេសអេស្ប៉ាញ ។
បន្ទាប់ពីរដ្ឋាភិបាលនេះ បដិសេធមិនអនុញ្ញាតឱ្យយន្តហោះអាមេរិក ប្រើប្រាស់មូលដ្ឋានរបស់ខ្លួន សម្រាប់ឈរជើងវាយប្រហារលើអ៊ីរ៉ង់។
លោក Trump ក៏បានរិះគន់ចក្រភពអង់គ្លេសចំពោះការមិនសហការបន្ថែមក្នុងកិច្ចប្រជុំជាមួយអធិការបតីអាល្លឺម៉ង់ Friedrich Merz នៅសេតវិមាន។
ប្រភពពីសារព័ត៌មានAFP នៅថ្ងៃទី៤ខែមីនា។
ប្រធានាធិបតី Trump អះអាងថា ប្រទេសអេស្ប៉ាញ ពិតជាអាក្រក់ណាស់និងថា យើងនឹងកាត់ផ្តាច់ពាណិជ្ជកម្មទាំងអស់ជាមួយប្រទេសនេះ ដោយបានស្នើសុំឱ្យរដ្ឋមន្ត្រីក្រសួងរតនាគារ Scott Bessent ប្រតិបត្តិការកាត់ផ្តាច់ទំនាក់ទំនងទាំងអស់។
ទោះបីជាយ៉ាងណា វានៅតែមិនច្បាស់ថា លោក Trump អាចអនុវត្តសេចក្តីបដិសេធនេះបានយ៉ាងពេញលេញទេ បន្ទាប់ពីតុលាការកំពូល បានលុបចោលអំណាចបន្ទាន់ របស់លោកក្នុងការដាក់ពន្ធគយដោយចិត្តឯង៕