មន្ត្រីយោធាកំពូលម្នាក់ របស់សហរដ្ឋអាមេរិក កាលពីថ្ងៃព្រហស្បតិ៍ ទី៥ ខែមីនា ឆ្នាំ២០២៦ បាននិយាយថា កងកម្លាំងអាមេរិក បានបាញ់ពន្លិចនាវាអ៊ីរ៉ង់ ជាង៣០គ្រឿង។
ខណៈការវាយប្រហារដោយមីស៊ីល និងដ្រូន របស់កងកម្លាំងប្រដាប់អាវុធអ៊ីរ៉ង់ ក៏បានថយចុះគួរឱ្យកត់សម្គាល់។
សារព័ត៌មាន AFP។
ឧត្តមនាវីអាមេរិក លោក Brad Cooper ជាមេបញ្ចាការ នៃទីបញ្ជាការយោធាអាមេរិក CENTCOM បានថ្លែងនៅក្នុងសន្និសីទសារព័ត៌មានថា ការវាយប្រហារដោយមីស៊ីលរបស់អ៊ីរ៉ង់ បានថយចុះ៩០ភាគរយបើធៀបទៅនឹងថ្ងៃដំបូងនៃសង្រ្គាម ។
ខណៈការវាយប្រហារ ដោយដ្រូនក៏បានថយចុះ៨៣ភាគរយផងដែរ ធៀបទៅនឹងថ្ងៃដំបូងនៃសង្រ្គាម។
អាមេរិក និងអ៊ីស្រាអែល បានបើកការវាយប្រហារតាមអាកាសលើអ៊ីរ៉ង់កាលពីថ្ងៃទី២៨ ខែកុម្ភៈ ។
ហើយអ៊ីរ៉ង់ បានសងសឹកវិញដោយបើកការវាយប្រហារដោយបាញ់មីស៊ីល និងដ្រូន លើបណ្ដាប្រទេសជាច្រើនដែលមានមូលដ្ឋានទ័ពអាមេរិកនៅក្នុងតំបន់មជ្ឈិមបូព៌ា៕